
Zaheer Khan-Sagarika Ghatge: నటి సాగరిక ఘట్గే, భారత మాజీ క్రికెటర్ జహీర్ ఖాన్ అభిమానులకు శుభవార్త వచ్చింది. జహీర్, సాగరిక తల్లిదండ్రులు అయ్యారు. వీరి ఇంటికి ఒక చిన్న అతిథి వచ్చేసింది. ఈ శుభవార్తను ఇద్దరూ సోషల్ మీడియాలో పోస్ట్ చేసి, అందరితో పంచుకున్నారు. జహీర్, సాగరిక దంపతులకు ఒక కుమారుడు జన్మించాడు. ప్రత్యేక ఫొటోను పోస్ట్ చేయడం ద్వారా ఆ బిడ్డ పేరును ప్రకటించారు.
‘మేం మా కుమారుడు ఫతే సింగ్ ఖాన్ను స్వాగతిస్తున్నాం’ అంటూ పోస్ట్లో రాసుకొచ్చారు. బ్లాక్ అండ్ వైట్ ఫొటోలతో పాటు ఈ క్యాప్షన్తో పోస్ట్ షేర్ చేశారు. ఒక పోస్ట్లో సాగరిక-జహీర్ ఉండగా, రెండవ ఫొటోలో ఆ చిన్నారి వేలు పట్టుకుని ఉన్న ఫొటో ఉంది. దీంతో ఈ పోస్ట్కు లైక్లు వెల్లువెత్తుతున్నాయి.
మరిన్ని ఐపీఎల్ వార్తల కోసం ఇక్కడ క్లిక్ చేయండి..