బేబీ సినిమాతో బాక్సాఫీస్ షేక్ చేసింది హీరోయిన్ వైష్ణవి చైతన్య. ఈ భామకు నెట్టింట ఉన్న ఫ్యాన్ ఫాలోయింగ్ గురించి చెప్పక్కర్లేదు. షార్ట్ ఫిల్స్మ్ ద్వారా యూట్యూబ్ స్టార్ గా ఓ రేంజ్ ఫాలోయింగ్ సంపాదించుకుంది.
ఆ తర్వాత తెలుగులో పలు సినిమాల్లో చిన్న చిన్న పాత్రలు పోషించింది ఈ ముద్దుగుమ్మ. టాలీవుడ్ యంగ్ హీరో ఆనంద్ దేవరకొండ ప్రధాన పాత్రలో నటించిన బేబీ సినిమాతో వెండితెరకు కథానాయికగా పరిచయమైంది.
ఈ సినిమా బాక్సాఫీస్ వద్ద భారీ విజయాన్ని అందుకుంది. ఎలాంటి అంచనాలు లేకుండా చిన్న సినిమాగా విడుదలైన ఈ సినిమా మంచి వసూళ్లు రాబట్టింది. దీంతో తెలుగులో వైష్ణవికి ఆఫర్స్ క్యూ కట్టాయి.
ఆ తర్వాత ఆశిష్ హీరోగా నటించిన లవ్ మీలో కనిపించింది. ఈ మూవీ బాక్సాఫీస్ వద్ద మిశ్రమ స్పందన అందుకుంది. లవ్ మీ ఇఫ్ యు డేర్ సినిమాకు అరుణ్ భీమవరపు దర్శకత్వం వహించారు.
ప్రస్తుతం బొమ్మరిల్లు భాస్కర్ దర్శకత్వం వహిస్తున్న డీజే టిల్లు హీరో సిద్ధు జొన్నలగడ్డ హీరోగా నటిస్తున్న జాక్ ప్రాజెక్టులోనూ నటిస్తుంది. ఇప్పటికే ఈ సినిమా నుంచి విడుదలైన పోస్టర్స్ ఆకట్టుకున్నాయి.
ఇదిలా ఉంటే.. సోషల్ మీడియాలో చాలా యాక్టివ్ గా ఉండే ఈముద్దుగుమ్మ.. తాజాగా షేర్ చేసిన ఫోటోస్ తెగ వైరలవుతున్నాయి. పూల చీరలో.. కాటుక కళ్లతో క్రేజీగా ఫోటోషూట్ చేసింది.
ప్రస్తుతం వైష్ణవి షేర్ చేసిన ఫోటోస్ నెట్టింట చక్కర్లు కొడుతున్నాయి. ఇదిలా ఉంటే.. ఇటీవల జిమ్ వర్కవుట్ ఫోటోస్ షేర్ చేసింది వైష్ణవి. తన జిమ్ ట్రైనర్ సమక్షంలో వర్కవుట్ చేస్తూ ఫిజిక్ కోసం చెమటలు చిందిస్తోంది.
