నేడు చాలా మంది ఉపయోగించని పాత స్మార్ట్‌ఫోన్‌లు ఓ మూలాన పడేసి ఉంచుతారు. అయితే, ఈ పాత ఫోన్‌లకు అద్భుతమైన ఉపయోగాలు ఉన్నాయని మీకు తెలుసా? మీరు మీ పాత ఫోన్‌ను టీవీ లేదా ఎయిర్ కండిషనర్ (AC) రిమోట్‌గా మార్చవచ్చు. దీని కోసం మీ ఫోన్ IR బ్లాస్టర్‌కు మద్దతు ఇస్తుందో లేదో తెలుసుకోండి. టీవీ లేదా AC వంటి ఎలక్ట్రానిక్ పరికరాలు ఇన్‌ఫ్రారెడ్ (IR) సిగ్నల్‌ల ద్వారా నియంత్రించవచ్చు. Xiaomi, Huawei, Honor, కొన్ని Samsung మోడల్స్ వంటి అనేక పాత Android ఫోన్లలో IR బ్లాస్టర్ ఉంటుంది. లేకపోతే మీరు యాప్‌ల సహాయంతో మీ ఫోన్‌ను రిమోట్‌గా మార్చవచ్చు. మీ పాత ఫోన్‌ను AC లేదా టీవీ రిమోట్‌గా ఉపయోగించడానికి మీరు కొన్ని సాధారణ దశలను అనుసరించాలి.
సాధారణంగా బ్రాండ్‌ను బట్టి ఫోన్‌లో డిఫాల్ట్ రిమోట్ యాప్ ముందే ఇన్స్టాల్ చేయబడి ఉంటుంది. ఉదాహరణకు Mi Remote వంటి యాప్‌లు Xiaomiలో అందుబాటులో ఉన్నాయి. Smart Remote Huaweiలో అందుబాటులో ఉన్నాయి. అంతేకాకుండా ఫోన్‌లో రిమోట్ యాప్ లేకపోతే మీరు దానిని ప్లే స్టోర్ నుండి డౌన్‌లోడ్ చేసుకోవచ్చు. Mi రిమోట్ కంట్రోలర్ పీల్ స్మార్ట్ రిమోట్, Anymote స్మార్ట్ IR రిమోట్ వంటి యాప్‌లు మీ పనిని సులభతరం చేస్తాయి.
- దీని కోసం ముందుగా ఏదైనా అప్లికేషన్‌ను డౌన్‌లోడ్ చేసుకోండి. తర్వాత ఆ యాప్‌ని తెరిచి. “రిమోట్‌ని జోడించు” లేదా “+” నొక్కండి.
- ఇప్పుడు డివైజ్‌ రకాన్ని ఎంచుకోండి – ఉదాహరణకు టీవీ, AC, సెట్ టాప్ బాక్స్ మొదలైనవి. దీని తర్వాత మీరు Sony, LG, Samsung వంటి బ్రాండ్‌ను ఎంచుకోమని అడుగుతారు.
- ఆ తర్వాత యాప్ మిమ్మల్ని కొన్ని బటన్లను నొక్కమని అడుగుతుంది. మీ ఫోన్ ఆ పరికరానికి ప్రతిస్పందిస్తే, మీ ఫోన్ పూర్తిగా రిమోట్ కంట్రోల్‌గా మారుతుంది.
- మీ ఫోన్‌లో IR లేకపోయినా, మీరు WiFi లేదా బ్లూటూత్ ద్వారా స్మార్ట్ టీవీలు, కొన్ని ACలను నియంత్రించవచ్చు. కానీ అవి ‘స్మార్ట్’ అయితే మాత్రమే.
మీరు WiFi ఆధారిత రిమోట్ అప్లికేషన్‌లను ఉపయోగించవచ్చు. మీకు Chromecast లేదా Android TV ఉంటే, ఈ యాప్ మీ ఫోన్‌ను రిమోట్‌గా మార్చగలదు. Samsung SmartThings (Samsung TVల కోసం), LG TV Plus (LG స్మార్ట్ TVల కోసం), Sony Bravia TV యాప్, అలాగే LG ThinQ, Daikin మొబైల్ కంట్రోలర్, Voltas Smart AC యాప్‌లు AC బ్రాండ్ యాప్‌లకు అందుబాటులో ఉన్నాయి. అయితే కొన్ని ఫోన్లలో ఏ కంపెనీ ఏసీ, స్మార్ట్ టీవీ అయినా రిమోట్‌గా పని చేసేలా ఆప్షన్లు ఉంటాయి. అందుకు కంపెనీకి సంబంధించిన యాప్ ఇన్స్టాల్ చేసుకోవాల్సి ఉంటుంది.
మరిన్ని టెక్ వార్తల కోసం ఇక్కడ క్లిక్ చేయండి
