మహారాష్ట్ర క్రికెట్ అసోసియేషన్ (MCA) నిర్వహించిన వాంఖడే స్టేడియం 50వ వార్షికోత్సవ వేడుకలు ఆదివారం ఘనంగా జరిగాయి. భారత క్రికెట్ చరిత్రలో అపురూపమైన క్షణాలను అందించిన ఈ స్టేడియం జ్ఞాపకాలను తిరిగి తేల్చుతూ, రోహిత్ శర్మ, సచిన్ టెండూల్కర్, సునీల్ గవాస్కర్, అజింక్యా రహానే తదితర ప్రముఖ క్రికెటర్లు ఈ వేడుకలో పాల్గొన్నారు.
వేడుకల సమయంలో ఒక అభిమాని భారత కెప్టెన్ రోహిత్ శర్మ వద్దకు వెళ్లి బ్యాట్‌పై ఆటోగ్రాఫ్ అడిగాడు. రోహిత్ ఆ డిమాండ్‌ను సంతోషంగా నెరవేర్చాడు. అనంతరం, పిడికిలి పంచ్ ఇచ్చేందుకు రోహిత్ చేయి పైకెత్తినప్పటికీ, ఆ చిన్న అభిమాని తన ఉత్సాహంలో ఆ పాయింట్‌ను మిస్ చేసి, బ్యాట్ తీసుకుని పరుగెత్తిపోయాడు. ఈ దృశ్యాన్ని చూసి పక్కనే కూర్చున్న అజింక్యా రహానే నవ్వడం చూడడానికి అందరికి హాస్యంగా అనిపించింది.
కొద్దిసేపటికే యువ అభిమాని తిరిగి వచ్చి రోహిత్‌కి పిడికిలి బంప్ ఇచ్చిన ఆ దృశ్యం మధుర క్షణంగా నిలిచింది.
ప్రాముఖ్యమైన ప్రదర్శనలు
వాంఖడే స్టేడియం వారసత్వాన్ని గౌరవిస్తూ, ఈ వేడుకలో కాఫీ, టేబుల్, బుక్, స్మారక స్టాంపును విడుదల చేశారు. అలాగే, ICC ఛాంపియన్స్ ట్రోఫీతో ఫోటో సెషన్, సునీల్ గవాస్కర్ 75వ పుట్టినరోజు వేడుకలు ఈ సంబరాలకు మరింత అందాన్ని తెచ్చాయి.
వాంఖడే స్టేడియం భారత క్రికెట్ చరిత్రలో ముఖ్యమైన స్థానం కలిగి ఉంది. 1974లో ప్రారంభమైన ఈ స్టేడియం, ముంబైలోని క్రికెట్‌కు మాత్రమే కాకుండా, దేశవ్యాప్తంగా అనేక మధుర క్షణాలకు వేదికగా నిలిచింది. 50 ఏళ్ల కాలంలో ఈ స్టేడియం భారత క్రికెట్ పునాదిని బలపరచడంలో కీలక పాత్ర పోషించింది.
వాంఖడే స్టేడియం అనేక చారిత్రక ఘట్టాలకు సాక్ష్యం వహించింది. 2011 క్రికెట్ వరల్డ్ కప్ ఫైనల్‌లో మహేంద్ర సింగ్ ధోనీ సిక్సర్‌తో విజయం సాధించి, భారత జట్టు విశ్వవిజేతగా నిలిచిన క్షణం ఇక్కడే ఆవిష్కృతమైంది. అంతేకాక, 2013లో సచిన్ టెండూల్కర్ తన చివరి అంతర్జాతీయ మ్యాచ్‌ ఆడిన కూడా మైదానం ఇదే.
ముంబై క్రికెట్ అభివృద్ధిలో వాంఖడే స్టేడియం కీలక పాత్ర పోషించింది. ఈ మైదానం అనేక ప్రతిభావంతులైన ఆటగాళ్లను తయారు చేసింది, ఉదాహరణకు సచిన్ టెండూల్కర్, సునీల్ గవాస్కర్, రోహిత్ శర్మ, అజింక్యా రహానే వంటి క్రికెట్ దిగ్గజాలు ఇక్కడ తమ ఆటను మెరుగు పరచి ప్రపంచాన్ని ఆశ్చర్యపరిచారు. వాంఖడే స్టేడియం భారత క్రికెట్‌కు ప్రాణంగా నిలిచే అనేక అంతర్జాతీయ, దేశవాళీ మ్యాచ్‌లకు ఆతిథ్యమిచ్చింది. ఐపీఎల్ మ్యాచ్‌లు, ప్రపంచ కప్‌లు, ఇతర అంతర్జాతీయ టోర్నమెంట్‌లు ఈ మైదానంలో ప్రత్యేక గుర్తింపును సాధించాయి.
ఈ స్టేడియం నేటితరం క్రికెటర్లకు క్రీడా స్పూర్తి మరియు నిబద్ధతకు ప్రతీకగా నిలుస్తోంది. 50వ వార్షికోత్సవ వేడుకల సందర్భంగా కాఫీ టేబుల్ బుక్ విడుదల చేయడం, స్మారక స్టాంపు ఆవిష్కరణ, మరియు గౌరవనీయ ఆటగాళ్లను సత్కరించడం వంటి కార్యక్రమాలు ఈ స్టేడియం వారసత్వాన్ని కొత్త తరాలకు అందించడానికి చేసిన ప్రయత్నాలుగా నిలిచాయి. వాంఖడే స్టేడియం 50 ఏళ్ల క్రికెట్ వారసత్వానికి ప్రతీకగా నిలుస్తూ, ఆటగాళ్లు, అభిమానులు, నిర్వాహకుల మనసుల్లో ఎప్పటికీ చిరస్థాయిగా నిలిచిపోయే జ్ఞాపకాలను అందించింది.
Rohit Sharma giving autograph to a young fan. ❤️pic.twitter.com/knHLKo8moW
— Mufaddal Vohra (@mufaddal_vohra) January 19, 2025
మరిన్ని క్రీడా వార్తల కోసం ఇక్కడ క్లిక్ చేయండి..
