పుడతామా ఏటి మళ్లీ అంటూ పెద్దిలో రామ్‌చరణ్‌ డైలాగులు చెబుతుంటే.. మళ్లీ మళ్లీ మేమైతే చూసేయడానికి రెడీ అంటూ సంబరాలు చేసుకుంటున్నారు ఫ్యాన్స్. ఇప్పటిదాకా క్రికెట్‌లో రకరకాల షాట్స్ చూసే ఉంటారు.. ఇక పెద్ది షాట్ చూడ్డానికి రెడీ అయిపోండి అంటూ ఫుల్‌ ఖుష్‌ అవుతున్నారు.
రాసిపెట్టుకోండి వచ్చే ఏడాది మార్చి 27న గ్లోబల్‌ రిలీజ్‌ అంటూ పెద్ది రిలీజ్‌ డేట్‌ని అఫిషియల్‌గా అనౌన్స్ చేసేసింది టీమ్‌. ఈ ఏడాది ఉంటుందా? లేదా? అనే మాటలకు ఈ ఒక్క డేట్‌ ఫుల్‌ క్లారిటీ ఇచ్చేసింది. సో.. ఈ ఏడాదిని జస్ట్ అలా మర్చిపోతే.. నెక్స్ట్ ఇయర్‌ ఫెస్టివల్‌ గ్యారంటీ అంటున్నారు చెర్రీ సైన్యం.
పెద్ది ఫస్ట్ షాట్‌లో ప్రతి ఫ్రేమ్‌నీ రిపీట్‌ మోడ్‌లో చూస్తున్నారు ఫ్యాన్స్. సుకుమారే అనుకుంటే, ఆయన్ని మించి పోయేలా ఆయన శిష్యుడు బుచ్చిబాబు సానా… సూపర్‌ అనిపించుకున్నారని పొగడ్తలు వెల్లువెత్తుతున్నాయి.
ఆఫ్టర్‌ ఉప్పెన.. ఆకలి మీదున్న బుచ్చిబాబుకి.. చరణ్‌తో జస్ట్ ఒక్క పని చేయించాలని లేదు. ఫస్ట్ షాట్‌లో డైలాగు విన్న ప్రతి ఒక్కరికీ, సినిమాలో ఇంకెన్ని సస్పెన్సులు దాచారోననే క్యూరియాసిటీ మొదలైంది.
ఉత్తరాంధ్ర యాసలో చరణ్ పక్కాగా మాట్లాడుతున్నారని సంబరపడుతున్నారు అభిమానులు. రామ్‌చరణ్‌తో జాన్వీ నటిస్తున్న ఈ సినిమాకు సంబంధించి కీలక షెడ్యూళ్ల షూటింగ్‌ పూర్తయింది. సినిమా గ్లోబల్‌ రేంజ్‌లో ఉంటుందనే కాన్ఫిడెన్స్ మాకు ఫుల్‌గా వచ్చేసిందంటూ ఫస్ట్ షాట్‌ని ఇన్‌స్టంట్‌గా హిట్‌ చేసేస్తున్నారు మూవీ లవర్స్.
