ఐపీఎల్ 2025లో చెన్నై సూపర్ కింగ్స్ (CSK)కి మరో ఓటమి ఎదురైంది. చివరి దాకా పోరాడినా 220 పరుగుల లక్ష్యాన్ని ఛేదించలేకపోయింది.
డెవాన్ కాన్వే 69 పరుగులు చేసిన తర్వాత రిటైర్డ్ అవుట్ అయ్యాడు. ఇంపాక్ట్ ప్లేయర్ శివం దూబే (42 పరుగులు) లాకీ ఫెర్గూసన్ బౌలింగ్‌లో బౌల్డ్ అయ్యాడు. అతను కెప్టెన్ రుతురాజ్ గైక్వాడ్ (ఒక పరుగు) వికెట్ కూడా తీసుకున్నాడు. రచిన్ రవీంద్ర (37 పరుగులు) ను గ్లెన్ మాక్స్వెల్ పెవిలియన్ కు పంపాడు.
ముల్లన్‌పూర్‌లోని మహారాజా యాదవీంద్ర సింగ్ అంతర్జాతీయ స్టేడియంలో జరిగిన ఈ మ్యాచ్‌లో పంజాబ్ కింగ్స్ టాస్ గెలిచి బ్యాటింగ్ ఎంచుకుంది. పంజాబ్ కింగ్స్ జట్టు 20 ఓవర్లలో 6 వికెట్లకు 219 పరుగులు చేసింది. ప్రియాంష్ ఆర్య 42 బంతుల్లో 103 పరుగులు చేశాడు. ప్రియాంష్ 39 బంతుల్లో తన సెంచరీని పూర్తి చేసుకున్నాడు. ఐపీఎల్‌లో అత్యంత వేగవంతమైన సెంచరీ సాధించిన రెండవ భారతీయుడిగా నిలిచాడు. 2009లో యూసుఫ్ పఠాన్ 37 బంతుల్లో సెంచరీ సాధించాడు. శశాంక్ సింగ్ 52 పరుగులతో, మార్కో జాన్సెన్ 34 పరుగులతో నాటౌట్‌గా నిలిచారు. ఖలీల్ అహ్మద్, రవిచంద్రన్ అశ్విన్ చెరో 2 వికెట్లు పడగొట్టారు.
రెండు జట్ల ప్లేయింగ్-11..
చెన్నై సూపర్ కింగ్స్- రుతురాజ్ గైక్వాడ్ (కెప్టెన్), రచిన్ రవీంద్ర, డెవాన్ కాన్వే, విజయ్ శంకర్, రవీంద్ర జడేజా, ఎంఎస్ ధోని (వికెట్ కీపర్), రవిచంద్రన్ అశ్విన్, నూర్ అహ్మద్, ముఖేష్ చౌదరి, ఖలీల్ అహ్మద్, మతిష్ పతిరాణ.
ఇంపాక్ట్ ప్లేయర్స్: శివమ్ దూబే, జామీ ఓవర్టన్, రాహుల్ త్రిపాఠి, దీపక్ హుడా, అన్షుల్ కాంబోజ్.
పంజాబ్ కింగ్స్- శ్రేయాస్ అయ్యర్ (కెప్టెన్), ప్రియాంష్ ఆర్య, ప్రభ్‌సిమ్రాన్ సింగ్ (వికెట్ కీపర్), నెహాల్ వధేరా, శశాంక్ సింగ్, మార్కస్ స్టోయినిస్, గ్లెన్ మాక్స్వెల్, మార్కో యాన్సన్, లాకీ ఫెర్గూసన్, అర్ష్‌దీప్ సింగ్, యుజ్వేంద్ర చాహల్.
ఇంపాక్ట్ ప్లేయర్స్: సూర్యాంశ్ షెడ్గే, యశ్ ఠాకూర్, ప్రవీణ్ దూబే, అజ్మతుల్లా ఒమర్జాయ్, విజయ్‌కుమార్ వైశాఖ్.
మరిన్ని ఐపీఎల్ వార్తల కోసం ఇక్కడ క్లిక్ చేయండి..
