హ్యుందాయ్ 700 కి.మీ రేంజ్ కలిగిన కొత్త హైడ్రోజన్ ఎలక్ట్రిక్ కారును ఆవిష్కరించింది. ఈ కారు పేరు హ్యుందాయ్ నెక్సో, లాంచ్ చేయబడిన మోడల్ సెకండ్‌ జనరేషన్‌. రెండవ తరం నెక్సోలో కొత్త డిజైన్, మరిన్ని ఫీచర్లు, మరింత అధునాతన పవర్‌ట్రెయిన్‌తో సహా అనేక మార్పులు చేసింది కంపెనీ. దక్షిణ కొరియాలో జరుగుతున్న సియోల్ మొబిలిటీ షో 2025లో ఈ కారును ఆవిష్కరించారు.
హైడ్రోజన్ ఎలక్ట్రిక్ కార్లను ఫ్యూయల్ సెల్ ఎలక్ట్రిక్ వాహనాలు (FCEV) అని కూడా అంటారు. ఈ కార్లు హైడ్రోజన్ వాయువును విద్యుత్ శక్తిగా మార్చడం ద్వారా పనిచేస్తాయి. ఇది విద్యుత్ మోటారును నడుపుతుంది. నీటి ఆవిరి మాత్రమే ఉద్గారం అవుతుంది. ఎలక్ట్రిక్ కార్లకు ప్రత్యేక బ్యాటరీలు కూడా ఉంటాయి. ఇవి కారుకు ఎక్కువ పరిధిని అందిస్తాయి. కొత్త నెక్సో డిజైన్ హ్యుందాయ్ ఇనిటియం కాన్సెప్ట్ ఆధారంగా రూపొందించబడింది. దీనిని అక్టోబర్ 2024లో లాస్ ఏంజిల్స్ ఆటో షోలో ఆవిష్కరించారు.
మైలేజీ 700 కి.మీ: సెకండ్‌ జనరేషన్‌ నెక్సో పవర్‌ట్రెయిన్ SUV రెండు విధాలుగా శక్తి అందుతుంది. ఇది హైడ్రోజన్ నుండి శక్తిని ఉత్పత్తి చేసే 110 kW ఇంధన సెల్ స్టాక్, 2.64 kWh లిథియం అయాన్ బ్యాటరీని కలిగి ఉంది. ఈ కారులో 150 కిలోవాట్ల ఎలక్ట్రిక్ మోటారు కూడా ఉంది. నెక్సో ఒక్కసారి ఛార్జ్ చేస్తే 700 కిలోమీటర్ల వరకు ప్రయాణించగలదని హ్యుందాయ్ పేర్కొంది. కారు గరిష్ట వేగం గంటకు 179 కిలోమీటర్లు. ఇది మాత్రమే కాదు, ఈ కారు కేవలం 7.8 సెకన్లలో గంటకు 0 నుండి 100 కిలోమీటర్ల వేగాన్ని అందుకోగలదు.
అద్భుతమైన ఫీచర్స్‌: నెక్సో అనేది హ్యుందాయ్ నుండి వచ్చిన అత్యంత విలాసవంతమైన ఎస్‌యూవీలలో ఒకటి. దాని క్యాబిన్ అత్యాధునిక సాంకేతికతతో తయారు చేశారు. లోపలి భాగంలో డ్యాష్‌బోర్డ్‌తో అనుసంధానించబడిన ట్విన్-డెక్ సెంటర్ కన్సోల్ ఉంది. స్టీరింగ్ కాలమ్-మౌంటెడ్ గేర్ క్రెటా ఎలక్ట్రిక్ లాగా ఉంటుంది. అన్ని హ్యుందాయ్ మోడళ్ల మాదిరిగానే అన్ని ఫీచర్లు నెక్సోలో కూడా అందుబాటులో ఉన్నాయి. టచ్‌స్క్రీన్ ఇన్ఫోటైన్‌మెంట్ సిస్టమ్, డిజిటల్ డ్రైవర్ ఇన్స్ట్రుమెంటేషన్ కోసం రెండు 12.3-అంగుళాల డిస్‌ప్లేలు, వైర్‌లెస్ ఆపిల్ కార్‌ప్లే, ఆండ్రాయిడ్ ఆటో కనెక్టివిటీ, 14-స్పీకర్ బ్యాంగ్ అండ్‌ ఓలుఫ్సెన్ సౌండ్ సిస్టమ్, యాంబియంట్ లైటింగ్, NFC టెక్నాలజీతో కీలెస్ ఎంట్రీ, కెమెరాలతో డిజిటల్ IRVMలు, ORVMలు వంటివి ఉన్నాయి.
భద్రతా ఫీచర్స్‌: భద్రత పరంగా, SUV 9 ఎయిర్‌బ్యాగ్‌లు మరియు ఫార్వర్డ్ కొలిషన్-అవాయిడెన్స్ అసిస్ట్, లేన్ కీపింగ్ అసిస్ట్, బ్లైండ్-స్పాట్ కొలిషన్-అవాయిడెన్స్ అసిస్ట్, బ్లైండ్-స్పాట్ వ్యూయర్ మానిటర్, ఎమర్జెన్సీ స్టాప్, నావిగేషన్ బేస్డ్ స్మార్ట్ క్రూయిజ్ కంట్రోల్, రియర్ వ్యూ మానిటర్, సరౌండ్ వ్యూ మానిటర్ మరియు రియర్ క్రాస్-ట్రాఫిక్ కొలిషన్-అవాయిడెన్స్ అసిస్ట్ వంటి లెవల్ 2 ADAS ఫీచర్స్‌ ఉన్నాయి.
