దిన ఫలాలు (ఏప్రిల్ 1, 2025): మేష రాశి వారికి ఈ రోజు అనేక విధాలుగా ఆదాయం పెరిగే అవకాశం ఉంది. అనుకున్న పనులు అనుకున్నట్టు పూర్తవుతాయి. వృషభ రాశి వారు ముఖ్యమైన ఆర్థిక వ్యవహారాలను సకాలంలో పూర్తి చేస్తారు. ఒకటి రెండు వ్యక్తిగత సమస్యలు పరిష్కారమవుతాయి. మిథున రాశి వారికి ఆదాయానికి, ఆరోగ్యానికి లోటుండదు. ఉద్యోగులకు కూడా మంచి కంపెనీల నుంచి ఆఫర్లు అందుతాయి. మేష రాశి మొదలు మీన రాశి వరకు 12 రాశుల వారికి మంగళవారంనాటి రాశిఫలాలు ఎలా ఉన్నాయంటే..
మేషం (అశ్విని, భరణి, కృత్తిక 1)
అనేక విధాలుగా ఆదాయం పెరిగే అవకాశం ఉంది. అనుకున్న పనులు అనుకున్నట్టు పూర్తవుతాయి. ఆర్థిక సమస్యలు చాలావరకు తగ్గిపోతాయి. శత్రు, రోగ, రుణ బాధల ఒత్తిడి బాగా తగ్గే అవకాశం ఉంది. వృత్తి, ఉద్యోగాల్లో అధికారులు బాగా ప్రాధాన్యం ఇస్తారు. వ్యాపారాల్లో లాభాలు కొద్దిగా పెరిగే అవకాశముంది. నిరుద్యోగులకు ఆశించిన సమాచారం అందుతుంది. విద్యార్థులు పురోగతి సాధిస్తారు. ఆరోగ్యం బాగానే ఉంటుంది. ప్రేమ వ్యవహారాలు హ్యాపీగా, సాఫీగా సాగిపోతాయి.
వృషభం (కృత్తిక 2,3,4, రోహిణి, మృగశిర 1,2)
వృత్తి, ఉద్యోగాల్లో ఆశించిన ప్రోత్సాహకాలు అందుకుంటారు. వ్యాపారాలు లాభదాయకంగా పురోగమిస్తాయి. ఆర్థిక పరిస్థితి నిలకడగా, ఆశాజనకంగా సాగిపోతుంది. ముఖ్యమైన ఆర్థిక వ్యవహారాలను సకాలంలో పూర్తి చేస్తారు. ఒకటి రెండు వ్యక్తిగత సమస్యలు పరిష్కారమవుతాయి. నిరుద్యోగులకు సమయం అనుకూలంగా ఉంది. రావలసిన డబ్బు చేతికి అంది, ముఖ్యమైన అవసరాలు తీరుతాయి. విద్యార్థులు శ్రమపడాల్సి ఉంటుంది. ప్రేమ వ్యవహారాలు ఉత్సాహంగా సాగిపోతాయి.
మిథునం (మృగశిర 3,4, ఆర్ద్ర, పునర్వసు 1,2,3)
ఉద్యోగంలో అనుకూలతలు పెరుగుతాయి. వృత్తి, వ్యాపారాల్లో కీలక మార్పులు చేపడతారు. నిరుద్యోగులకు మంచి ఉద్యోగ అవకాశాలు అంది వస్తాయి. ఆదాయానికి, ఆరోగ్యానికి లోటుండదు. ఉద్యోగులకు కూడా మంచి కంపెనీల నుంచి ఆఫర్లు అందుతాయి. పెళ్లి ప్రయత్నాలు ఫలించే అవకాశం ఉంది. సోదరులతో ఆస్తి వివాదం ఒకటి రాజీమార్గంలో పరిష్కారం అవుతుంది. విద్యార్థులు కొద్ది ప్రయత్నంతో ఘన విజయాలు సాధిస్తారు. ప్రేమ వ్యవహారాల్లో పురోగతి ఉంటుంది.
కర్కాటకం (పునర్వసు 4, పుష్యమి, ఆశ్లేష)
ఉద్యోగంలో అధికారుల నుంచి ఆదరణ, ప్రోత్సాహం లభిస్తాయి. జీతభత్యాలు పెరిగే అవకాశం ఉంది. వృత్తి, వ్యాపారాలు లాభసాటిగా సాగిపోతాయి. అనుకున్న పనుల్ని అనుకున్నట్టు పూర్తి చేస్తారు. ఏ ప్రయత్నం తలపెట్టినా విజయాలు సాధిస్తారు. ఇంటా బయటా అనుకూలతలు పెరుగుతాయి. ఆదాయానికి లోటుండదు. ప్రముఖులతో పరిచయాలు విస్తరిస్తాయి. విద్యార్థులు ఉత్తమ ఫలితాలు సాధిస్తారు. నిరుద్యోగులు శుభవార్తలు వింటారు. ప్రేమ వ్యవహారాలు నిదానంగా సాగుతాయి.
సింహం (మఖ, పుబ్బ, ఉత్తర 1)
ఉద్యోగంలో అధికారులకు నమ్మకం ఎక్కువై, బరువు బాధ్యతలను పెంచుతారు. వృత్తి, వ్యాపారాలు నిలకడగా సాగిపోతాయి. ఇంటా బయటా శ్రమ, తిప్పట తప్పకపోవచ్చు. ఆర్థిక వ్యవహారాలు సంతృప్తికరంగా సాగిపోతాయి. ఆర్థిక పరిస్థితి అనుకూలంగా ఉంటుంది. ఆదాయం వృద్ధి చెందుతుంది. ఇతరులకు సహాయం చేసే స్థితిలో ఉంటారు. ఆరోగ్యం బాగానే ఉంటుంది. విద్యార్థులకు సమయం బాగా అనుకూలంగా ఉంటుంది. ప్రేమ వ్యవహారాలు సజావుగా సాగిపోతాయి.
కన్య (ఉత్తర 2,3,4, హస్త, చిత్త 1,2)
అనేక విధాలుగా ఆదాయం పెరిగే అవకాశం ఉంది. కొన్ని ముఖ్యమైన ఆర్థిక సమస్యలు పరిష్కారం అవుతాయి. ముఖ్యమైన వ్యవహారాలన్నీ సంతృప్తికరంగా పూర్తవుతాయి. వృత్తి జీవితంలో డిమాండ్ పెరుగుతుంది. ఉద్యోగంలో హోదా పెరిగే అవకాశం ఉంది. వ్యాపారాల్లో బాగా పురోగమిస్తారు. వ్యక్తిగత సమస్యలు తగ్గుతాయి. విద్యార్థులు ఉత్తమ ఫలితాలు సాధిస్తారు. ఆరోగ్యానికి లోటుండదు. నిరుద్యోగులకు మంచి ఆఫర్లు అందుతాయి. ప్రేమ వ్యవహారాల్లో జాగ్రత్తగా ఉండడం మంచిది.
తుల (చిత్త 3,4, స్వాతి, విశాఖ 1,2,3)
వృత్తి, ఉద్యోగాల్లో ఒకటి రెండు ముఖ్యమైన శుభవార్తలు వింటారు. వ్యాపారాలు లాభసాటిగా పురోగమిస్తాయి. కుటుంబంలో శుభ పరిణామాలు చోటు చేసుకుంటాయి. ఉన్నత స్థాయి వ్యక్తులతో పరిచయాలు విస్తరిస్తాయి. నిరుద్యోగులకు ఆశించిన సమాచారం అందుతుంది. ఆరోగ్యం బాగా అనుకూలంగా ఉంటుంది. ప్రయాణాల్లో జాగ్రత్తగా ఉండడం మంచిది. ఆకస్మిక ధన ప్రాప్తి సూచనలున్నాయి. విద్యార్థులు ఘన విజయాలు సాధిస్తారు. ప్రేమ వ్యవహారాల్లో ముందడుగు వేస్తారు.
వృ‌శ్చికం (విశాఖ 4, అనూరాధ, జ్యేష్ట)
ఉద్యోగ వాతావరణం బాగా అనుకూలంగా ఉంటుంది. అధికారులు మీ ప్రతిభను, శ్రమను గుర్తిస్తారు. వృత్తి, వ్యాపారాలు లాభాలు ఆర్జిస్తాయి. కొన్ని వ్యక్తిగత, ఆర్థిక సమస్యల నుంచి బయటపడతారు. కొద్ది వ్యయ ప్రయాసలతో ముఖ్యమైన పనులు, వ్యవహారాల్ని పూర్తి చేస్తారు. ఆదాయం బాగా వృద్ధి చెందే అవకాశం ఉంది. నిరుద్యోగులకు విదేశాల నుంచి ఆశించిన సమాచారం అందుతుంది. ప్రేమ వ్యవహారాలు సానుకూలంగా సాగిపోతాయి. మిత్రుల వల్ల నష్టపోయే అవకాశం ఉంది.
ధనుస్సు (మూల, పూర్వాషాఢ, ఉత్తరాషాఢ 1)
వృత్తి, ఉద్యోగాలపరంగా ఆశించిన పురోగతి ఉంటుంది. మీ పనితీరుతో అధికారులు సంతృప్తి చెందుతారు. వ్యాపారాల మీద మరింతగా శ్రద్ధ పెంచడం మంచిది. ఆదాయం బాగా పెరిగే అవకాశం ఉంది. వ్యక్తిగత సమస్యల్లో ముఖ్యమైనవి పరిష్కారమవుతాయి. షేర్లు, స్పెక్యులేషన్లు బాగా లాభిస్తాయి. పెళ్లి, ఉద్యోగ ప్రయత్నాలకు సానుకూల స్పందన లభిస్తుంది. విద్యార్థులు కొద్ది శ్రమతో ఉత్తమ ఫలితాలు సాధిస్తారు. ఆరోగ్యం అనుకూలంగా ఉంటుంది. ప్రేమ వ్యవహారాల్లో దూసుకుపోతారు.
మకరం (ఉత్తరాషాఢ 2,3,4, శ్రవణం, ధనిష్ట 1,2)
అనేక విధాలుగా ఆదాయం పెరిగే అవకాశం ఉంటుంది. వృథా ఖర్చుల్ని తగ్గించుకోవడం మంచిది. వ్యక్తిగత సమస్యలు తగ్గుముఖం పడతాయి. కొందరు మిత్రుల సహకారంతో ముఖ్యమైన పనులు పూర్తవుతాయి. ఉద్యోగంలో అధికారుల ఆదరణకు లోటుండదు. వృత్తి, వ్యాపారాల్లో సొంత నిర్ణయాల వల్ల మేలైన ఫలితాలు కలుగుతాయి. ఇంటా బయటా బాధ్యతలు పెరుగుతాయి. విద్యార్థులు తేలికగా విజయాలు సాధిస్తారు. ప్రేమ జీవితం హ్యాపీగా సాగిపోతుంది. ఆరోగ్యం బాగానే ఉంటుంది.
కుంభం (ధనిష్ట 3,4, శతభిషం, పూర్వాభాద్ర 1,2,3)
ఉద్యోగ జీవితంలో బాధ్యతలు మారే అవకాశం ఉంది. అధికారుల నమ్మకాన్ని చూరగొంటారు. వృత్తి, వ్యాపారాల్లో లాభాలు కొద్దిగా పెరుగుతాయి. వ్యక్తిగత, కుటుంబపరమైన సమస్యల నుంచి ఊరట లభిస్తుంది. అనుకున్న పనులు అనుకున్నట్టు పూర్తవుతాయి. పరిచయస్థుల్లో మంచి పెళ్లి సంబంధం కుదురుతుంది. విద్యార్థులు కొద్ది శ్రమతో విజయాలు సాధిస్తారు. నిరుద్యోగులకే కాక ఉద్యోగులకు కూడా మంచి ఆఫర్లు అందుతాయి. ప్రేమ వ్యవహారాల్లో జోరు పెరుగుతుంది.
మీనం (పూర్వాభాద్ర 4, ఉత్తరాభాద్ర, రేవతి)
ఉద్యోగంలో అనుకూలతలు పెరుగుతాయి. వృత్తి, వ్యాపారాల్లో కీలక మార్పులు చేపట్టి లబ్ధి పొందు తారు. ఆరోగ్యానికి ఆదాయానికి లోటుండదు. ఆర్థిక సమస్యల నుంచి కొద్దిగా విముక్తి లభిస్తుంది. కుటుంబంలో శుభ పరిణామాలు చోటు చేసుకుంటాయి. నిరుద్యోగులకు విదేశాల నుంచి ఆఫర్లు అందుతాయి. విదేశీ సంబంధం కుదిరే అవకాశం ఉంది. విద్యార్థులు ఆశించిన స్థాయిలో వృద్ధిలోకి వస్తారు. ఆరోగ్యం బాగానే ఉంటుంది. ప్రేమ వ్యవహారాలు చాలావరకు ఉత్సాహంగా సాగిపోతాయి.
