జిమ్కు వెళ్లే సమయం లేదా? అయితే మీ ఇంటి వద్దే దొరికే రెండు అద్భుతమైన వ్యాయామాలే నడక మరియు మెట్లు ఎక్కడం. కొవ్వును వెన్నలా కరిగించడంలో ఈ రెండూ మేటివే, కానీ వీటి ప్రభావం శరీరంలోని వేర్వేరు భాగాలపై వేర్వేరుగా ఉంటుంది. తక్కువ సమయంలో ఎక్కువ ఫలితం రావాలంటే మీరు ఏ మార్గాన్ని ఎంచుకోవాలో ఈ కథనం ద్వారా తెలుసుకోండి.
వాకింగ్ :
సురక్షితం: ఏ వయసు వారైనా, ఎటువంటి పరికరాలు లేకుండా చేయగలిగే వ్యాయామం ఇది.
గుండె ఆరోగ్యం: వేగంగా నడవడం వల్ల హృదయ స్పందన రేటు పెరిగి గుండె పనితీరు మెరుగుపడుతుంది.
ఒత్తిడి తగ్గింపు: ఇది కేవలం శారీరకమే కాదు, మానసిక ప్రశాంతతను కూడా ఇస్తుంది.
ఎవరికి మంచిది?: కీళ్ల నొప్పులు ఉన్నవారు, బరువు ఎక్కువగా ఉన్నవారు నడకను ఎంచుకోవడం ఉత్తమం, ఎందుకంటే ఇది కాళ్లపై ఎక్కువ ఒత్తిడిని కలిగించదు.
మెట్లు ఎక్కడం :
త్వరిత ఫలితాలు: నడకతో పోలిస్తే మెట్లు ఎక్కడానికి శరీరం ఎక్కువ శక్తిని ఉపయోగిస్తుంది. ఫలితంగా ఎక్కువ కేలరీలు బర్న్ అవుతాయి.
కండరాల బలం: ఇది కేవలం కొవ్వును తగ్గించడమే కాకుండా.. తుంటి, కాళ్లు మరియు కోర్ కండరాలను బలంగా మారుస్తుంది.
మెటబాలిజం: శరీరంలో జీవక్రియను వేగవంతం చేసి, తక్కువ సమయంలోనే కొవ్వును కరిగిస్తుంది.
ఎవరికి మంచిది?: త్వరగా బరువు తగ్గాలనుకునే వారు, ఎటువంటి ఆరోగ్య సమస్యలు లేని యువకులు దీనిని ఎంచుకోవచ్చు.
మీరు త్వరగా బరువు తగ్గాలనుకుంటే మెట్లు ఎక్కడం మంచిది. అయితే, మీకు కీళ్ల నొప్పులు ఉన్నా లేదా ఎక్కువ సేపు అలసిపోకుండా వ్యాయామం చేయాలనుకున్నా నడక ఉత్తమమైన మార్గం. మీ ఆరోగ్యం, వయస్సును బట్టి మీకు ఏది సరైనదో ఫిట్నెస్ నిపుణుడిని సంప్రదించి నిర్ణయించుకోవడం మంచిది.
గమనిక: ఈ కథనంలో అందించిన విషయాలు కేవలం సమాచార ప్రయోజనాల కోసం మాత్రమే. ఇది కేవలం సమాచారం మాత్రమే, దీనికి సంస్థ ఎటువంటి బాధ్యత వహించదు.
