ఎంజీ విండ్సర్ ఈవీ త్వరలో లాంగ్-రేంజ్ వేరియంట్‌ కారు కింద భారత మార్కెట్‌లో లాంచ్ చేయనున్నారు. ఈ కారు 50 కేడబ్ల్యూహెచ్ బ్యాటరీ ప్యాక్‌తో రావడం వల్ల ఈ కారు 460 కి.మీ మైలేజ్ ఇస్తుంది. ఈ వెర్షన్ మెరుగైన ఛార్జింగ్‌తో వస్తుందని చెబుతున్నారు. ఈ కారు మార్కెట్‌లో రిలీజైతే అత్యధిక అమ్మకాలను సాధించే అవకాశం ఉందని పేర్కొంటున్నారు.
మహీంద్రా & మహీంద్రా ఎక్స్‌యూవీ 3 ఎక్స్ఓ ఈవీ కారు త్వరలో భారత మార్కెట్‌లో లాంచ్ కానుంది. రాబోయే ఎలక్ట్రిక్ ఎస్‌యూవీ రెండు బ్యాటరీ ప్యాక్ ఎంపికలతో ఛార్జ్‌కి దాదాపు 450 కి.మీ పరిధిని అందిస్తుంది. ఈ కారు ముఖ్యంగా టాటా పంచ్ ఈవీకు గట్టి పోటీనిస్తుందని నిపుణులు అంచనా వేస్తున్నారు.
మారుతి సుజుకీ ఈ-విటారా రాబోయే వారాల్లో లాంచ్ కానుంది. ఈ కారును ఒక్కసారి ఛార్జ్ చేస్తే 500 కి.మీ కంటే ఎక్కువ రేంజ్‌తో వస్తుందని నిపుణులు చెబుతున్నారు. ఈ కారు లెవల్-2 ఏడీఏఎస్ టెక్, ఫుల్ డిజిటల్ ఇన్‌స్ట్రుమెంట్ కన్సోల్, పెద్ద టచ్‌స్క్రీన్, పనోరమిక్ సన్‌రూఫ్, ఎల్ఈడీ లైటింగ్, పవర్-అడ్జస్టబుల్ డ్రైవర్ సీటు, వెంటిలేషన్ ఫంక్షన్, ఆరు ఎయిర్‌బ్యాగ్‌లు వంటి ప్రీమియం ఫీచర్లతో ఈ కారు మార్కెట్‌లో లాంచ్ కానుంది.
టాటా హారియర్ ఈవీ కారును భారత్ మొబిలిటీ గ్లోబల్ ఎక్స్‌పో 2025లో ప్రదర్శించారు. ఈ కారు కొన్ని వారాల్లో భారత మార్కెట్‌ను పలుకరించనుంది. 75 కేడబ్ల్యూహెచ్ లిథియం-అయాన్ బ్యాటరీ ప్యాక్‌తో నడిచే ఈ ఎలక్ట్రిక్ ఎస్‌యూవీను ఓ సారి ఛార్జ్ చేస్తే 500 కి.మీ మైలేజ్ ఇస్తుందని కంపెనీ ప్రతినిధులు చెబుతున్నారు. 500 ఎన్ఎం గరిష్ట టార్క్‌ను ఉత్పత్తి చేసే డ్యూయల్-మోటార్ ఆల్-వీల్-డ్రైవ్ సెటప్‌తో ఈ కారును లాంచ్ చేస్తున్నట్లు టాటా కంపెనీ చెబుతుంది.
ఎంజీ సైబర్‌స్టర్, ఎం9 ఎంపీవీ రెండూ కార్లు కొత్తగా స్థాపించిన ఎంజీ సెలెక్ట్ డీలర్‌షిప్‌ల ద్వారా అందుబాటులో ఉంటాయని కంపెనీ ప్రతినిధులు చెబుతున్నారు. ఈ రెండు కార్లు టూ-డోర్-డ్రాప్-టాప్ స్పోర్ట్స్‌ సెటప్‌లో వస్తుంది. ఈ నెలలో ఎం9 ప్రీమియం ఎంపీవీ కంటే ముందు ప్రవేశపెట్టే అవకాశం ఉందని మార్కెట్ నిపుణులు అంచనా వేస్తున్నారు ఈ కారులో విశాలమైన ఇంటీరియర్, సౌకర్యవంతమైన ఫీచర్స్‌తో ఆకట్టుకుంటుందని వివరిస్తున్నారు.
