కర్ణాటక ప్రభుత్వం ఇటీవల రాష్ట్ర స్థాయి సినిమా అవార్డులు ప్రకటించింది. ఈ లిస్ట్‌లో స్టార్ హీరో సుదీప్‌కి ‘ఉత్తమ నటుడి’ అవార్డు దక్కింది. అయితే ఆశ్చర్యకరమైన విషయం ఏంటంటే.. సుదీప్ ఈ అవార్డును స్వీకరించడానికి ఇష్టపడడం లేదు. ‘పహిల్వాన్’ సినిమాలో నటనకు గాను కిచ్చా సుదీప్‌కి ‘ఉత్తమ నటుడు’ రాష్ట్ర అవార్డుకు ఎంపికయ్యాడు. అయితే ఈ అవార్డును స్వీకరించలేనంటన్నాడీ స్టార్ హీరో. ఈ మేరకు తన షాకింగ్ నిర్ణయం వెనుక గల కారణాన్ని లేఖ ద్వారా వివరించాడు సుదీప్. సోషల్ మీడియా వేదికగా ఒక పోస్ట్ పెట్టిన హీరో ‘పహిల్వాన్ ‘ సినిమాలో తన నటనను గుర్తించినందుకు జ్యూరీలకు, రాష్ట్ర ప్రభుత్వానికి కృతజ్ఞతలు తెలిపాడు. అదే సమయంలో ఈ ప్రతిష్ఠాత్మక అవార్డు తనకు కాకుండా వేరే ఆర్టిస్టులకు ఇవ్వాలని సుదీప్ కోరాడు.
‘‘ఉత్తమ నటుడి విభాగంలో రాష్ట్రస్థాయి అవార్డును అందుకోవడం నిజంగా విశేషం. ఈ ప్రతిష్ఠాత్మక అవార్డును నన్ను ఎంపిక చేసిన జ్యూరీ సభ్యులకు నా హృదయపూర్వక ధన్యవాదాలు. అయితే కొన్నాళ్ల పాటు ఈ అవార్డులు తీసుకోకూడదని నిర్ణయించుకున్నాను. ఇందుకు పలు వ్యక్తిగత కారణాలున్నాయి. సినీ కళామతల్లికి తమ జీవితాలను అంకితం చేసిన ప్రతిభావంతులైన నటులు ఎందరో ఉన్నారు. ఈ గౌరవానికి నాకంటే వారే ఎక్కువ అర్హులు. వారిలో ఒకరికి ఈ గౌరవం లభిస్తే నేను మరింత సంతోషిస్తాను. ప్రేక్షకులను అలరించే నా పనిలో అవార్డుల కోసం ఆశలు లేవు. అయితే జ్యూరీలు నన్ను గుర్తించడం నాకు మరింత ప్రోత్సాహాన్నిచ్చింది. నన్ను ఎంపిక చేసినందుకు జ్యూరీకి నేను ఎప్పటికీ కృతజ్ఞుడను. ఈ గుర్తింపు నిజమైన అవార్డు. నా నిర్ణయం పట్ల జ్యూరీ మెంబర్స్, రాష్ట్ర ప్రభుత్వాన్ని బాధ పెట్టి ఉండవచ్చు. అందుకే నేను క్షమాపణలు చెబుతున్నాను. మీరు నా నిర్ణయాన్ని గౌరవిస్తారని.. ఈ విషయంలో నాకు మద్దతు ఇస్తారని నాకు నమ్మకం ఉంది. నా కృషిని గుర్తించి ఈ అవార్డుకు పరిగణిస్తున్నందుకు గౌరవ జ్యూరీ సభ్యులకు, రాష్ట్ర ప్రభుత్వానికి మరోసారి ధన్యవాదాలు తెలియజేస్తున్నాను.’ అని ట్విట్ చేశారు సుదీప్.
ఇవి కూడా చదవండి
కిచ్చా సుదీప్ ట్వీట్..
Respected Government of Karnataka and Members of the Jury,
It is truly a privilege to have received the state award under the best actor category, and I extend my heartfelt thanks to the respected jury for this honor. However, I must express that I have chosen to stop receiving…
— Kichcha Sudeepa (@KicchaSudeep) January 23, 2025
సుదీప్ షేర్ చేసిన ఈ పోస్ట్ ప్రస్తుతం సోషల్ మీడియాలో వైరల్ గా మారింది. రాష్ట్ర ప్రభుత్వం ప్రకటించి ఉత్తమ నటుడి పురస్కారాన్ని తిరస్కరించడం శాండల్ వుడ్ లో సంచలనంగా మారింది.
మరిన్ని సినిమా వార్తల కోసం ఇక్కడ క్లిక్ చేయండి.
