ఇంట్లో బల్లులు తిరగడం వల్ల చాలామందికి అసహనం కలుగుతుంది. వీటి గురించి చెప్పడమే చాలామందికి భయాన్ని కలిగిస్తుంది. ఏ ఇంట్లోనైనా చిన్నపాటి కీటకాలు ఉండవచ్చు. కానీ బల్లులు కనిపిస్తే చాలామందికి అసౌకర్యంగా ఉంటుంది. అవి కనిపించకుండా చేయాలంటే.. ఇంట్లో అందుబాటులో ఉండే కొన్ని సరళమైన వస్తువులను ఉపయోగించి మనమే ద్రావణం తయారు చేసుకోవచ్చు.
ఇంట్లో ఉపయోగించే సాధారణ వస్తువులతో బల్లులను తరిమికొట్టే చిట్కాలు ఉన్నాయి. ఈ చిట్కా కోసం అవసరమైనవి.. పది కర్పూరాలు, యాభై మిల్లీలీటర్ల డెట్టాల్, అర లీటరు నీరు, ఇరవై మిల్లీలీటర్ల సబ్బు నూనె, ఒక లీటరు స్ప్రే బాటిల్. ఇవన్నీ దొరికేవే కావడం వల్ల.. విడిగా దుకాణానికి వెళ్లాల్సిన అవసరం లేదు.
కర్పూరాలను తీసుకుని వాటిని బాగా మెత్తగా పొడి చేసుకోవాలి. ఇప్పుడు ఈ పొడిలో సబ్బు నూనెను పోసి, డెట్టాల్‌ను కూడా జోడించి బాగా కలపాలి. ఈ మిశ్రమం పూర్తిగా బాగా కలిసిపోయేలా చేయాలి. ఈ మిశ్రమానికి కొద్దిగా నీరు పోయాలి. ద్రావణం నీటితో బాగా కలవాలి. ఇది కాస్త మందపాటి ద్రావణంలా ఉండాలి. కావాలనుకుంటే కొద్దిగా నిమ్మరసం కూడా కలపొచ్చు. నిమ్మరసం వాసన బలంగా ఉండటం వల్ల బల్లులు దూరంగా పారిపోతాయి. ద్రావణం సిద్ధమైన తర్వాత దాన్ని స్ప్రే బాటిల్‌లో పోయాలి.
ద్రావణం పోసిన స్ప్రే బాటిల్‌ను బాగా మిక్స్ అయ్యేలా షేక్ చేయాలి. తర్వాత బల్లులు కనిపించే ప్రదేశాల్లో పిచికారీ చేయాలి. ముఖ్యంగా వంటగదిలో, మూలల వద్ద, క్యాబినెట్ పైన, గదుల మూలల్లో స్ప్రే చేయాలి. వాసన కారణంగా బల్లులు అక్కడ ఉండలేకపోతాయి. కొంతకాలం తర్వాత పూర్తిగా కనిపించకుండా పోతాయి. ఈ విధంగా ఇంట్లోని బల్లులను సురక్షితంగా తరిమికొట్టవచ్చు.
ఇంట్లో లభించే పదార్థాలతోనే బల్లులను అదుపులో పెట్టడం సాధ్యమే. ఖర్చు లేకుండా, హానికరమైన రసాయనాలు లేకుండా ఈ ద్రావణం తయారు చేయవచ్చు. ఈ చిట్కా ఒక్కసారి ప్రయోగించి చూడండి మంచి ఫలితం ఉంటుంది.
