పిల్లలు పుట్టినప్పుడు, నామకరణ వేడుకలు, ఊయల ఆచారాల సమయంలో వారి కాళ్ళకు, చేతులకు వెండి కంకణాలు, నడుము గొలుసులు, హారాలు వేయడం ఆచారం. ఈ సంప్రదాయం తరతరాలుగా అందుతూ వస్తోంది. కానీ ఈ ఆచారం వెనుక ఒక శాస్త్రీయ కారణం కూడా ఉందని మీకు తెలుసా? అవును.. వెండికి కొన్ని ప్రత్యేకమైన ఔషధ గుణాలు ఉన్నాయి. ముఖ్యంగా చిన్నపిల్లలు తమ శరీరంలో జరుగుతున్న మార్పులను చెప్పలేరు. దీంతో వారి ఆరోగ్యాన్ని కాపాడుకోవడానికి ఈ రకమైన సంప్రదాయాలను పాటిస్తారు. కానీ నేటి తరం దాని ప్రాముఖ్యతను అర్థం చేసుకోకుండా చిన్న పిల్లలకు వెండికి బదులు బంగారు ఆభరణాలు వేస్తున్నారు. ఇస్తారు. కానీ నవజాత శిశువులకు బంగారం ధరించడం కంటే వెండి ఆభరణాలు ధరించడం వారి ఆరోగ్యానికి చాలా మంచిదని నిపుణులు అంటున్నారు. పిల్లలు వెండి ధరించడం వల్ల ఎలాంటి ప్రయోజనాలు పొందుతారో ఇక్కడ తెలుసుకుందాం..
వెండి ఆభరణాలు ఎందుకు ధరించాలంటే..?
వెండికి సహజ శీతలీకరణ లక్షణాలు ఉన్నందున పిల్లలకు మంచిదని పెద్దలు చెబుతారు. చిన్నపిల్లలు, ముఖ్యంగా వేసవిలో వేడిని తట్టుకోలేరు. వెండి వారి శరీరాలు వేడి నుంచి వేడెక్కకుండా నిరోధించడంలో సహాయపడుతుంది. వెండి నగలు ధరించడం వల్ల శరీర ఉష్ణోగ్రత సమతుల్యమవుతుంది. ఇది పిల్లలు ప్రశాంతంగా ఉండటానికి సహాయపడుతుంది. అందుకే నవజాత శిశువులకు వెండి ఆభరణాలు వేస్తారు. పిల్లల ఆరోగ్యాన్ని మెరుగుపరచడంలో వెండి సహాయపడుతుంది. వెండికి బ్యాక్టీరియా, వైరస్‌లను నాశనం చేసే సహజ సామర్థ్యం ఉంటుంది. దీనివల్ల పిల్లల్లో రోగనిరోధక శక్తి పెరుగుతుంది. ఇది శరీరం నుండి విషాన్ని తొలగించి ఆరోగ్యాన్ని కాపాడుతుంది.
చిన్న పిల్లలు ఆడుకునేటప్పుడు తరచుగా స్వల్ప గాయాలకు గురవుతారు. అలాంటి సమయాల్లో, వెండి ఆభరణాలు ఆ గాయాలు త్వరగా మానడానికి సహాయపడతాయి. ఎందుకంటే వెండి వస్తువులకు శరీరాన్ని రక్షించే సామర్థ్యం ఉంటుంది. అదనంగా, అవి కొన్ని చర్మ సంబంధిత సమస్యలను కూడా తగ్గిస్తాయి. శరీరంలో రక్త ప్రసరణ సరిగ్గా జరిగేలా వెండి సహాయపడుతుంది. రక్త ప్రసరణ బాగా ఉన్నప్పుడు, పిల్లల శరీరం కూడా సరిగ్గా అభివృద్ధి చెందుతుంది. పిల్లలకు వెండి హారాలు లేదా గొలుసులు ధరించడం వల్ల వారు చెడు దృష్టి నుండి రక్షింపబడతారని నమ్మకం. దుష్ట శక్తుల నుండి పిల్లలను రక్షణ కలుగుతుందని చాలామంది నమ్ముతారు. అలాగే మానసిక ఒత్తిడిని తగ్గించే శక్తి వెండికి ఉంటుంది. ఇది పిల్లలకు శాంతి, ఆనందాన్ని ఇస్తుంది. అదనంగా, ఇది నిద్రను కూడా ప్రభావితం చేస్తుంది. వెండి ఆభరణాలు ధరించడం వల్ల పిల్లలు హాయిగా నిద్రపోతారు.
ఇవి కూడా చదవండి
గమనిక: ఈ కంటెంట్ సాధారణ సమాచారం కోసం మాత్రమే. మరింత సమాచారం కోసం నిపుణుడిని సంప్రదించండి.
మరిన్ని ఆరోగ్య వార్తల కోసం క్లిక్‌ చేయండి.
