నాగార్జున సోలో హీరోగా వచ్చి చూస్తుండగానే ఏడాది దాటిపోయింది. గత సంక్రాంతికి నా సామిరంగా అంటూ వచ్చారు నాగ్. ఆ తర్వాత ఇప్పటి వరకు మరో సినిమా ప్రకటించలేదు.
చాలా మంది దర్శకుల పేర్లు వినిపించినా ఏది కన్ఫర్మ్ కాలేదు. ఈ గ్యాప్‌లో సపోర్టింగ్ కారెక్టర్స్ అయితే బాగానే చేస్తున్నారు. గతేడాది బ్రహ్మాస్త్రలో చేసినట్లే.. తాజాగా 2 సినిమాలు చేస్తున్నారు.
శేఖర్ కమ్ముల, ధనుష్ కాంబోలో వస్తున్న కుబేరాలో కీలక పాత్ర చేస్తున్నారు నాగార్జున. అలాగే రజినీకాంత్, లోకేష్ కనకరాజ్ కూలీలోనూ కీ రోల్ చేస్తున్నారు కింగ్. దాంతో పాటు బిగ్ బాస్ షో కూడా చేస్తారీయన.
ఈ బిజీలో పడి సోలో హీరోగా సినిమా ప్రకటించే ఖాళీ లేకుండా పోయింది నాగార్జునకు. చాలా రోజులుగా సరైన కథ కోసం చూస్తున్నారు ఈ సీనియర్ హీరో. సపోర్టింగ్ రోల్స్ చేస్తూనే.. సోలో హీరోగానూ నటించడానికి సరైన స్క్రిప్ట్ కోసం చూస్తున్నారు నాగ్.
ఈ క్రమంలోనే ఈయనకి నవీన్ అనే తమిళ దర్శకుడు చెప్పిన కథ నచ్చిందని తెలుస్తుంది. అన్నీ కుదిర్తే నాగ్ నెక్ట్స్ సినిమా ఈ దర్శకుడితోనే. ఎలాగూ చిరంజీవి, బాలయ్య, వెంకటేష్ కూడా ఇప్పుడు కుర్ర దర్శకులతోనే పని చేస్తున్నారు. ఇదే కంటిన్యూ చేయాలని చూస్తున్నారు కింగ్ కూడా.
