అన్ని కూరగాల్లో దొండకాయ కూడా ఒకటి. కానీ, ఈ దొండ కాయ తినాలంటే మాత్రం చాలా మంది మూతి తిప్పేసుకుంటుంటారు..ఎందుకంటే.. ఈ కూరగాయ తింటే తెలివితేటలు తగ్గిపోతాయని, బుద్ధి మందగిస్తుందని, మతిమరుపు వస్తుందని చాలా మంది భావిస్తుంటారు. అందుకే తల్లిదండ్రులు సైతం ఈ కూరగాయను పిల్లలకు పెట్టడానికి ఇష్టపడరు. అయితే ఇలాంటి అపోహలను నమ్మవద్దని పోషకాహార నిపుణులు అంటున్నారు. పైగా దొండకాయతో ఆరోగ్య ప్రయోజనాలు సైతం పుష్కలంగా ఉన్నాయని చెబుతున్నారు. ఆయుర్వేదంలో కూడా దొండకు చాలా ప్రాధాన్యత ఉందని చెబుతున్నారు. అవేంటో ఇక్కడ తెలుసుకుందాం..
దొండకాయలో ఫైబర్, విటమిన్ బి1, బి2, బి3, బి6, బి9, విటమిన్ సి, కాల్షియం, మెగ్నీషియం, ఐరన్, ఫాస్పరస్, పొటాషియం, సోడియం, జింక్ వంటి పోషకాలు పుష్కలంగా ఉన్నాయి. దొండకాయను మధుమేహానికి ఔషధంగా ఉపయోగిస్తారు. ఇందులో యాంటీ-అడిపోజెనిక్ ఏజెంట్లు ఉంటాయి. ఇవి రక్తంలో చక్కెర స్థాయిలను అదుపులో ఉంచుతాయి. కాబట్టి మధుమేహ వ్యాధిగ్రస్తులు వారానికి ఒకసారి దొండ తినడం లేదా దాని ఆకుల రసం తాగడం మంచిదని నిపుణులు చెబుతున్నారు. అంతే కాదు బరువు తగ్గాలనుకునే వారికి దొండ కాయ తీసుకోవడం చాలా మంచిది. ఇందులో స్థూలకాయాన్ని నిరోధించే గుణాలు పుష్కలంగా ఉన్నాయి. అలాగే జీవక్రియ రేటును పెంచుతుంది. ఐరన్ లోపంతో బాధపడేవారు దొండ తినడం వల్ల ప్రయోజనం పొందవచ్చు
అంతేకాదు.. దొండకాయలో ఫైబర్ అధికంగా ఉంటుంది. ఇందులో థయామిన్ కూడా ఉంటుంది. దొండ కార్బోహైడ్రేట్లను గ్లూకోజ్‌గా కూడా మారుస్తుంది. దీని వల్ల జీర్ణక్రియ సజావుగా సాగుతుంది. ఇది అల్సర్, గ్యాస్ వంటి సమస్యలను దూరం చేస్తుంది. దొండ తింటే మగత, మెంటల్ రిటార్డేషన్‌ సమస్యలు వస్తాయని అంటుంటారు. నిజానికి, దొండ ఆహారంలో తీసుకోవడం వల్ల నాడీ వ్యవస్థను బలపరుస్తుందని, అల్జీమర్స్ వంటి లక్షణాలను తగ్గిస్తుందని అధ్యయనాలు చెబుతున్నాయి.
ఇవి కూడా చదవండి
(NOTE: ఇందులోని అంశాలు కేవలం అవగాహన కోసం మాత్రమే. నిపుణులు అందించిన సమాచారం ప్రకారం ఇక్కడ తెలియజేయడమైనది. ఆరోగ్యరీత్యా ఎలాంటి సమస్యలు ఉన్నానేరుగా వైద్య నిపుణులను సంప్రదించడం మంచిది)
మరిన్ని లైఫ్ స్టైల్ న్యూస్ కోసం క్లిక్ చేయండి..
