గరుడ పురాణం ద్వారా మన జీవితం సరైన దిశలో సాగేందుకు అవసరమైన బోధనలను తెలుసుకోవచ్చు. ఇందులో శ్రీ మహావిష్ణువు చెప్పిన మాటలు మన మనస్సును శుద్ధి చేస్తాయి. ఆత్మ శాంతిని పొందాలంటే.. ఈ మాటలు మనసులో పెట్టుకోవాలి. విష్ణువు అన్నీ చూసే తత్త్వం. ఆయన కేవలం ఆలయాల్లోనే కాదు.. మనం చూడలేని చోట్లలోనూ ఉంటాడు. ప్రతి జీవిలో ఆయన సాక్షాత్తుగా ఉన్నాడు. ఆయనకు ఎలాంటి అవరోధాలు ఉండవు.. సమస్తం ఆయన అంతర్భాగమే.
విష్ణువును ఒక నిరాకార స్వరూపంగా పూజించవచ్చు. ఆయనకు ఒక నిర్ణీత రూపం ఉండదు. మనం మన హృదయంలో ఆయనను ఎలా
భావిస్తామో.. ఆ రూపంలోనే ఆయన మన ముందుకు వస్తాడు. నిజమైన భక్తితో మనస్పూర్తిగా పూజిస్తే.. ఆయన ఆశీర్వాదం తప్పకుండా లభిస్తుంది.
విష్ణువు మనకు ఒక ముఖ్యమైన బోధను ఇచ్చారు. ధర్మ మార్గంలో నడవాలి. మంచి మార్గాన్ని ఎంచుకోవాలి, మంచి పనులు చేయాలి. జీవితంలో ఎంతటి కష్టాలు వచ్చినా.. న్యాయం, నీతి అనే ధర్మాన్ని వదలకుండా ముందుకు పోవాలి. ఎందుకంటే మనం ఎంచుకునే ఈ ధర్మమార్గమే మన జీవిత దిశను నిర్ణయిస్తుంది.
విష్ణువు మరో ముఖ్యమైన విషయం కూడా చెబుతాడు.. మనం చేసే పని మీదనే మన ఫలితం ఆధారపడుతుంది. ఎవరైనా చేయాలనుకునే పని మనమే చేయాలి. మన పని ఎవరైనా చేస్తారని ఆశ పెట్టుకోకూడదు. అలాగే ఫలితం ఎప్పుడు వస్తుందో అని ఆలోచించకుండా.. మన పని మనం నిబద్ధతతో చేస్తే సరిపోతుంది.
విష్ణువు భక్తి తత్త్వాన్ని విశ్వసిస్తాడు. ఎవరి మనసులోనైనా నిజమైన భక్తి ఉంటే.. వారికి ఆయన దయ చూపిస్తాడు. పెద్దగా పూజలు చేయకపోయినా.. ఎవరు ఆయన్ను శ్రద్ధగా, భక్తితో పిలుస్తారో వారి దగ్గరకు ఆయన వస్తారు.
ఈ ప్రపంచం మన మనస్సును మాయలో పడేసేలా ఉంటుంది. దానిలో కోరికలు, ఆకర్షణలు ఎక్కువ. వాటిలో మునిగిపోవద్దని విష్ణువు హెచ్చరిస్తాడు. మాయ నుంచి బయట పడాలంటే భక్తి, ధ్యానం అవసరం.
మన జీవితం విష్ణువుకు అంకితం చేస్తే.. అంటే ప్రతి పని ఆయన కోసం చేస్తున్నట్లు భక్తితో చేస్తే మన హృదయానికి శాంతి కలుగుతుంది. ఇలాంటిది అంకితభావం అంటారు. ఈ భావన మన మనసుని శుద్ధి చేస్తుంది.. మన ఆత్మను దేవుడికి దగ్గర చేస్తుంది.
నిజమైన భక్తి అనేది మన మనస్సులో మాత్రమే కాదు.. మన మాటల్లో, ప్రవర్తనలో కూడా ఉండాలి. ఇతరుల పట్ల ఎలా మాట్లాడుతున్నాం, ఎలా ప్రవర్తిస్తున్నాం.. ఇవన్నీ మన భక్తిని చూపించే లక్షణాలు.
విష్ణువు చెబుతాడు.. జీవితం కేవలం ఆస్తులు సంపాదించడం కోసం కాదు. మన ఆత్మను శుద్ధి పరచడం, చివరికి దేవునితో ఐక్యం అవడం మన అసలైన లక్ష్యం.
శారీరకంగా, మానసికంగా, ఆధ్యాత్మికంగా సమతుల్యతతో జీవించడం చాలా ముఖ్యం. విష్ణువు దీనిపై స్పష్టంగా చెబుతాడు. ఈ సమతుల్యత మనకు శాంతి, ఆనందాన్ని అందిస్తుంది.
ఇవి గరుడ పురాణం ద్వారా శ్రీ మహావిష్ణువు ఇచ్చిన మార్గదర్శకాలు. ప్రతి ఒక్కరూ ఈ బోధనలను హృదయంలో ఉంచుకుంటే జీవితం మరింత ప్రశాంతంగా మారుతుంది.
