మధుమేహంతో బాధపడేవారు ఆహారం విషయంలో చాలా జాగ్రత్తగా ఉండాలి. చిన్నపాటి అజాగ్రత్త వారిని తీవ్రమైన ఇబ్బందులకు గురిచేస్తుంది. మధుమేహ వ్యాధిగ్రస్తులు తక్కువ గ్లైసెమిక్ ఇండెక్స్ ఉన్న ఆరోగ్యకరమైన ఆహారాన్ని మాత్రమే తీసుకోవటం తప్పనిసరి అంటున్నారు ఆరోగ్య నిపుణులు. ఇలా చేయడం వల్ల వారి రక్తంలో చక్కెర స్థాయి అదుపులో ఉంటుంది. శరీరానికి అవసరమైన పోషకాలు కూడా అందుతాయి. డయాబెటిక్ రోగులకు కొన్ని కూరగాయల వినియోగం చాలా ప్రయోజనకరం అంటున్నారు నిపుణులు. అలాంటి వాటిలో దొండకాయ ఒకటి. పూర్తి వివరాల్లోకి వెళితే…
ఈ కూరగాయ మధుమేహ రోగులకు అమృతంలాంటిది అంటున్నారు నిపుణులు. దొండకాయలో విటమిన్లు, మినరల్స్, యాంటీఆక్సిడెంట్లు పుష్కలంగా ఉంటాయి. ఇవి అనేక తీవ్రమైన వ్యాధుల నుండి ఉపశమనం కలిగిస్తాయి. దొండకాయ రక్తంలో చక్కెరను నియంత్రిస్తుంది. మధుమేహాన్ని నియంత్రించడానికి చాలా అద్భుతంగా పనిచేస్తుంది. ఈ కూరగాయలో కేలరీలు, కార్బోహైడ్రేట్లు చాలా తక్కువగా ఉంటుంది.
దొండకాయ కొలెస్ట్రాల్ ను కూడా తగ్గిస్తుంది. ఇది ఫైబర్ మంచి మూలం. దొండకాయ తీసుకోవడం వల్ల శరీరంలో చెడు కొలెస్ట్రాల్ (ఎల్‌డిఎల్) స్థాయిని తగ్గించడంలో సహాయపడుతుంది. ఇది గుండె జబ్బుల ప్రమాదాన్ని కూడా తగ్గిస్తుంది. అంతేకాదు..దొండకాయ గుండె ఆరోగ్యానికి మంచిదని చెబుతున్నారు. మంచి గుండె ఆరోగ్యాన్ని కాపాడుకోవడానికి దొండకాయ కూడా తినొచ్చు. దొండకాయ జీర్ణవ్యవస్థను మెరుగుపరుస్తుంది. మలబద్ధకం, అజీర్తి సమస్యలు దూరమవుతాయి. చర్మ సమస్య తామర నుండి ఉపశమనం పొందడంలో ప్రభావవంతంగా ఉంటుంది.
దొండకాయ తినడం వల్ల ఎముకలకు చాలా మేలు చేస్తుంది. ఈ కూరగాయలలో విటమిన్ సి, విటమిన్ ఎ, ఐరన్, కాల్షియం వంటి అనేక విటమిన్లు, ఖనిజాలు పుష్కలంగా ఉన్నాయి. దీన్ని తీసుకోవడం వల్ల ఎముకలు బలపడతాయి. ఆక్సీకరణ ఒత్తిడిని నివారిస్తుంది. మీ ఎముకలు బలహీనంగా ఉంటే, మీరు దొండకాయ తినడం అలవాటు చేసుకోవచ్చు. బలహీనమైన రోగనిరోధక శక్తి ఉన్నవారికి కూడా దొండకాయ అద్భుతమైనది.
(NOTE: ఇందులోని అంశాలు కేవలం అవగాహన కోసం మాత్రమే. నిపుణులు అందించిన సమాచారం ప్రకారం ఇక్కడ తెలియజేయడమైనది. ఆరోగ్యరీత్యా ఎలాంటి సమస్యలు ఉన్నానేరుగా వైద్య నిపుణులను సంప్రదించడం మంచిది.
మరిన్ని లైఫ్ స్టైల్ న్యూస్ కోసం క్లిక్ చేయండి..
