ఈ నేపథ్యంలో ట్రంప్, డెన్మార్క్ ప్రధానమంత్రి మధ్య 45 నిమిషాల పాటు సాగిన ఫోన్ కాల్లో.. ట్రంప్ తన అభిప్రాయాలను ఘాటైన స్వరంతో వినిపించారని సంబంధిత అధికారులను ఉద్దేశిస్తూ అంతర్జాతీయ మీడియా కథనం వెల్లడించింది. గ్రీన్లాండ్ ను స్వాధీనం చేసుకునే విషయంలో తాము సీరియస్గా ఆలోచిస్తున్నామని ట్రంప్ పేర్కొనగా.. దానిని ఫ్రెడెరిక్సన్ తోసిపుచ్చారు. తమకు గ్రీన్ల్యాండ్ను అమ్మే ఉద్దేశం లేదని తేల్చిచెప్పారు. తన ప్రతిపాదనను తిరస్కరించడంతో ట్రంప్ దూకుడుగా మాట్లాడారని, ఒక దశలో బెదిరింపులకు పాల్పడ్డారని అధికారులు తెలిపారు. ఫోన్కాల్లో ట్రంప్ సంభాషించిన తీరుతో తాము దిగ్భ్రాంతికి గురయ్యామని తెలిపారు. మరికొందరు మాత్రం డెన్మార్క్ తిరస్కరణతో అమెరికా నుంచి చర్యలు ఉండొచ్చనే ఆందోళన వ్యక్తం చేశారు. డెన్మార్క్ను సుంకాలతో శిక్షిస్తానని ట్రంప్ ఈ ఫోన్కాల్లో హెచ్చరించినట్లు ఆ కథనం పేర్కొంది.
