కొంతమందికి ఉదయం లేవగానే కాఫీ తాగే అలవాటు ఉంటుంది. కానీ ఇది మంచిదా? చెడ్డదా? అనేది తెలుసుకోవాలి. అలాగే దీనివల్ల ఎలాంటి ఆరోగ్య సమస్యలు వస్తాయో తెలుసుకోవాలి. ఎందుకంటే ఖాళీ కడుపుతో కెఫిన్ తీసుకుంటే పలు సమస్యలు వస్తాయంటా..
ఖాళీ కడుపుతో కాఫీ తాగడం వల్ల కడుపులో ఆమ్లం ఎక్కువగా ఉత్పత్తి అవుతుందని పరిశోధనలు చెబుతున్నాయి. ఖాళీ కడుపుతో కాఫీ తాగడం వల్ల కొంతమందికి కడుపు పూతల, పేగు రుగ్మతలు, గుండెల్లో మంట, వికారం, అజీర్ణం మొదలైన గ్యాస్ట్రిక్ సమస్యలు వస్తాయి.
కొంతమంది బ్లాక్ కాఫీని ఇష్టపడతారు, కానీ అందులో కెఫిన్ ఉండటం వల్ల అది ఆరోగ్యానికి మంచిది కాదు. ఇది ఉబ్బరం, కడుపులో అసౌకర్యం, బిగుతుగా అనిపించడం వంటి అజీర్ణ సమస్యలకు కూడా దారితీస్తుందని ఆరోగ్య నిపుణులు అంటున్నారు.
గ్యాస్ట్రిటిస్, అల్సర్లు లేదా యాసిడ్ రిఫ్లక్స్ వంటి జీర్ణ సమస్యలు ఉన్నవారు ఖాళీ కడుపుతో బ్లాక్ కాఫీ తాగకూడదు. గర్భిణీలు లేదా పాలిచ్చే తల్లులు ఖాళీ కడుపుతో బ్లాక్ కాఫీ తాగడం కూడా మంచిది కాదు.
ఖాళీ కడుపుతో బ్లాక్ కాఫీ తాగడం వల్ల వణుకు, హృదయ స్పందన రేటు పెరగడం, తలనొప్పి వంటి సమస్యలు వస్తాయి. బ్లాక్ కాఫీ కూడా నిద్రను ప్రభావితం చేస్తుంది. ముఖ్యంగా పడుకునే ముందు బ్లాక్ కాఫీ తాగడం మానుకుంటే మంచిది. అలాగే, ఒత్తిడితో బాధపడేవారు బ్లాక్ కాఫీ తాగడం మానేయడం బెటర్.
