వేద శాస్త్రం ప్రకారం మనం జన్మించిన సమయం, అప్పటి గ్రహాల స్థితి, నక్షత్రాల ప్రభావం మన వ్యక్తిత్వాన్ని నిర్ణయిస్తాయి. ఇవి మన స్వభావాన్ని, ఆలోచన విధానాన్ని, భవిష్యత్తులో ఎదుర్కొనే సంఘటనలను ప్రభావితం చేస్తాయని అంటారు. జనన సమయాన్ని బట్టి వ్యక్తుల లక్షణాలు వేరుగా ఉంటాయి. ఏప్రిల్ నెలలో జన్మించిన పిల్లల్లో కొన్ని ప్రత్యేకమైన గుణాలు కనిపిస్తాయి. ఈ లక్షణాలు వారికి ప్రత్యేకతను తీసుకురావడంతో ఇతరుల కంటే భిన్నంగా ఉండేలా చేస్తాయి.
ఏప్రిల్‌లో పుట్టిన పిల్లలు సహజంగా నాయకత్వ లక్షణాలు కలిగి ఉంటారు. చిన్నప్పటి నుంచే వారు చుట్టూ ఉన్నవారిపై ప్రభావం చూపగలరు. తమ ఆలోచనలను స్పష్టంగా చెప్పగలిగే నేర్పు వీరిలో ఉంటుంది. ఈ నైపుణ్యం వీరిని భవిష్యత్తులో గొప్ప నాయకులుగా మారేలా చేస్తుంది.
ఇదే లక్షణం వాళ్లు తెలివైనవారిగా త్వరగా నేర్చుకునే వారిగా ఆదేశించే స్వభావంతో ఉండేలా చేస్తుంది. కానీ సరిగ్గా మార్గనిర్దేశం చేస్తే వీరు గొప్ప నాయకులుగా ఎదుగుతారు.
ఏప్రిల్‌లో జన్మించిన పిల్లలు ఎప్పుడూ కొత్త విషయాలను తెలుసుకోవాలనే తపన కలిగి ఉంటారు. చిన్నతనం నుంచే వీరు ధైర్యంగా ముందుకు సాగుతారు. ఏదైనా కొత్తదనం అనుభవించాలనే ఆసక్తి వీరికి ఎక్కువగా ఉంటుంది. వీరు ఎప్పుడూ సాహసికంగా వ్యవహరిస్తారు. ప్రయాణాలు, కొత్త ప్రదేశాలను చూడటం, కొత్త అనుభవాలు పొందడం వీరి హాబీలు. వీరు జీవనశైలి విషయంలో చాలా తెగువ కలిగి ఉంటారు.
ఏప్రిల్ నెలలో జన్మించిన పిల్లలు చాలా కల్పనాశక్తి కలిగినవారై ఉంటారు. వారిలోని సృజనాత్మకత వారి వ్యక్తిత్వాన్ని మలచేలా చేస్తుంది. ఏదైనా కొత్తగా ఆలోచించడం, కొత్తదనం తీసుకురావడం వీరి ప్రత్యేకత. సంగీతం, కళలు, రచనలు, డిజైన్ వంటి క్రియేటివ్ రంగాల్లో వీరు గొప్ప పేరు తెచ్చుకునే అవకాశం ఉంటుంది.
ఏప్రిల్‌లో పుట్టిన పిల్లలు సహజంగా దయగల మనసును కలిగి ఉంటారు. ఇతరులకు సహాయం చేయడం, వారి కష్టాల్లో వారికి అండగా నిలవడం వీరి సహజ లక్షణం. వీరు ఎవరైనా కష్టాల్లో ఉంటే వారిని ఆదుకునేందుకు ఎప్పుడూ సిద్ధంగా ఉంటారు. అందువల్ల సమాజంలో వీరు ప్రత్యేక గౌరవం పొందుతారు. ప్రజలు వీరిని ఎంతో ప్రేమగా చూడటమే కాకుండా.. వీరి మంచితనాన్ని మెచ్చుకుంటారు.
ఏప్రిల్ నెలలో పుట్టినవారు చురుకుగా ఉంటారు. వీరు ఎప్పుడూ ఉత్సాహంగా, సంతోషంగా ఉంటారు. సమస్యలు వచ్చినా ధైర్యంగా ఎదుర్కొని ముందుకు సాగే స్వభావం వీరిలో కనిపిస్తుంది. ఏదైనా సాధించాలనుకుంటే దాన్ని పట్టుదలతో చేస్తారు. ఈ లక్షణాలే వీరిని ప్రత్యేకంగా మారుస్తాయి.
ఏప్రిల్ నెలలో పుట్టిన పిల్లల స్వభావాన్ని అర్థం చేసుకుంటే వారిలోని గొప్ప గుణాలను మరింత మెరుగుపరిచి భవిష్యత్తులో విజయం సాధించేందుకు మార్గనిర్దేశం చేయొచ్చు. వారి స్వభావానికి తగ్గ మార్గంలో ప్రోత్సహిస్తే వారు జీవితంలో గొప్ప స్థాయికి చేరుకుంటారు.
