సంక్రాంతికి వస్తున్నాం అని కాన్ఫిడెంట్‌గా చెప్పి, అదే టైటిల్‌ పెట్టి, సంక్రాంతికి నవ్వుల సినిమాగా ప్రేక్షకుల ఆదరణ పొందేశారు విక్టరీ వెంకటేష్‌. ఫ్యామిలీ కంటెంట్‌తో వచ్చిన ప్రతిసారీ ఆయన హిట్‌ కొట్టారని సినిమాలోనే డైలాగ్‌ ఉన్నట్టు, ఈ పండక్కి ఫ్యామిలీ ఎలిమెంట్స్ తో మెప్పించారు వెంకీ.
ఈ సంక్రాంతికి వచ్చిన ఈ సినిమాకు సీక్వెల్‌ ఉంటుందని అనౌన్స్ చేశారు మేకర్స్. రాజమండ్రి నుంచే సీక్వెల్‌ స్టోరీ మొదలవుతుందని చెప్పారు.
ఐశ్వర్య, మీనాక్షి మధ్య రాజమండ్రి వీధుల్లో జరిగిన గొడవ ప్రధానంగా సీక్వెల్‌ ఉంటుందనే ఊహాగానాలు మొదలయ్యాయి. వెంకటేష్‌తో పది సినిమాలు చేయగల కంటెంట్‌ తన దగ్గర ఉందని ఇప్పటికే చెప్పేశారు అనిల్‌ రావిపూడి.
సైలెంట్‌గా రిలీజ్‌ అయిన మలయాళ సినిమా మార్కోకి కూడా సీక్వెల్‌ సిద్ధమవుతోంది. నెవర్‌ బిఫోర్‌ యాక్షన్‌, వయొలెన్స్ ఎపిసోడ్స్ తో జనాల్లోకి దూసుకుపోయింది మార్కో. స్క్రీన్‌ మీద కమర్షియల్‌ ఎలిమెంట్స్ ఉంటే చాలు… బార్డర్స దాటి భాషలతో పనిలేకుండా ప్రేక్షకులు ఆదరిస్తారని ప్రూవ్‌ చేసింది మార్కో సినిమా.
మార్కో సీక్వెల్‌లో ఉన్ని ముకుందన్‌ హీరోగా నటిస్తారు. కీలక పాత్రలో మోహన్‌లాల్‌ నటిస్తారనే వార్త వైరల్‌ అవుతోంది. ఫస్ట్ పార్టును మలయాళ ప్రేక్షకులను దృష్టిలో పెట్టుకుని తెరకెక్కించారు. సీక్వెల్‌ని మాత్రం ప్యాన్‌ ఇండియా ఇంట్రస్ట్ గా రూపొందించాలని భావిస్తున్నారు మేకర్స్.
